JOBARCLIX

fans club ako ni joni mitchell. panalo yung circle game, a case of you, both sides now, river, at big yellow taxi. yung both sides now, meron version si sharon cuneta, ginamit na soundtrack sa pelikula nila ni juday na magkapatid. yung river, meron version si robert downey jr na kinanta nya sa ally mcbeal. yung big yellow taxi, may version ang counting crows at si vanessa carlton. nasa rotation din yun sa got til it’s gone ni janet jackson.

fans club din ako ng simon ang garfunkel. paborito ko yung scarborough fair dahil sa naglista sya ng herbs at may kasamang thyme. haha. tsaka bridge over troubled waters. wake up little suzy. sound of silence na laging bida sa mga interpretative dance. at ang all time favorite song ko, yung the boxer. soundtrack yan ng scorpio nights 1. tsaka yan ang paboritong tinutugtog ng tatay ko sa gitara nun. akala ko ginagago nya ko kasi paulit ulit lang lyrics. lie la lie. repeat 100 times. nung tumanda na ko na gets ko din kung bakit kelangan 100 times. sa sobrang tindi ng kwento nya kelangan ulit ulitin para mahimasmasan ang mga kumukulong damdamin.

fans club din ako ng beatles. sus. pag uusapan pa ba natin sila. hey jude ang una kong natutunan tugtugin sa gitara. kasabay ng lahat ng kabatch ko sa high school.

ito yung mga kantang kahit ulit ulitin hindi ako magsasawa. lagi akong nata-time space warp dun sa panahon na wala akong ibang pinoproblema kundi paano pakintabin ang sahig namin.
———

30 to 30, day 2.